What language do you prefer?

Close

Ontvang elke weeksdag jou padkos in die bed via WhatsApp.

Klik hier
| Terug

Ware vriende help mekaar op

Prediker 4:9-10

Dit is beter wanneer twee mense saam is, dit is beter as om alleen te wees. Wanneer twee mense saam hard werk, dan kan hulle ’n groter beloning kry, want as een van hulle val, dan kan die ander een hom optel. Maar dit sal sleg gaan met iemand wanneer hy val en daar is niemand om hom op te tel nie.

Wie van julle het al deur ‘n moeilike tyd gegaan waardeur ‘n vriend jou gehelp het? Ons lewens is vol van tye wat dinge hier en daar skeefloop, maar ons hoef nie hierdie tye alleen aan te durf nie. Van die betekenisvolste tye in ons lewens is wanneer ons vriende uithelp en hulle ons uithelp.

Ons word in hierdie vers vertel dat goeie vriendskappe dinge is wat ons moet najaag. Dis soveel beter om te kan afpak by ʼn goeie vriend as om vriende te hê wat jou ignoreer sodra jy jou issues met hulle deel. Ons is gemaak om nie alleen te staan nie, maar om mekaar op te bou.

Ons moet dus konstant bereid wees om ware vriendskappe te kweek: vriendskappe wat beteken dat ons nooit alleen hoef te staan nie. Wanneer ons sukkel, help ons ons vriende en wanneer hulle sukkel, het ons geleentheid om Jesus se liefde te wys om hulle weer op te help.

Ware vriende help mekaar op.

Gebed: Here, dankie dat U altyd daar is vir my. Ek glo dat U soveel liefde aan my gegee het en daarom kan ek die liefde deel met ander. Wys vir my asseblief waar ek my vriende kan help en maak asseblief my goeie vriendskappe sterker sodat dit U liefde uitstraal aan ander… Amen.

Uitdaging: Praat met jou nabye vriende die week. Hoor by hulle of daar iets is waarmee jy hulle kan bystaan, of vra hulle om jou op te help as jy seergekry het.