What language do you prefer?

Close

Ontvang elke weeksdag jou padkos in die bed via WhatsApp.

Klik hier
| Terug

Ons Koning sal voorsien

Matteus 6:33

Nee, dit moet vir julle die belangrikste wees dat God julle Koning is. Julle moet gehoorsaam wees aan Hom en doen wat Hy wil hê. Dan sal Hy al hierdie ander dinge ook vir julle gee.

Ons almal se lewens raak besig, maar ons probeer gereeld ons aandag op tien duisend verkillende dinge plaas. Ons lewens raak so besig dat ons soms nie eers tyd kry om betekenisvolle tyd met God deur te bring nie. Voel dit vir jou ook soms asof God net nie inpas by jou skedule nie?

Die vers van vandag praat van God as ons Koning. Ons verstaan nie deesdae noodwendig wat dit beteken om koning te wees nie, maar in die tyd van Jesus het almal verstaan dat die koning ʼn groot area beheer het en kon sê wat gaan vir wat – die koning het meer geweet as die gewone mense en het strategies hulle gebied die beste probeer maak.

Die konings van daardie tyd het nie altyd die beste motiewe gehad nie. Maar God het ons beswil in gedagte. En God het nie net beheer oor plekke nie, maar ook oor die wêreld om ons en dinge wat ons nie eers kan verstaan nie. As God vir ons beswil uitkyk, hoekom sal ons Hom nie eerste wil plaas in ons lewens nie?

Ons Koning sal voorsien!

Gebed: Dankie, Here, dat ek U my Koning kan noem en dankie dat ek deur Jesus ook ʼn koningskind is. Here, ek wil U graag eerste plaas… Amen.

Uitdaging: Plaas God vir die res van die week letterlik eerste. Vind ʼn manier om jouself te herinner om sodra jy op is in die oggend met God te praat in gebed of om jou Bybel oop te maak en te lees van God se wonderlike storie. Hierdie is ʼn great gewoonte om aan te leer.