What language do you prefer?

Close

Ontvang elke weeksdag jou padkos in die bed via WhatsApp.

Klik hier
| Terug

Jesus is die beste voorbeeld van vriendskap

Johannes 15:13

Die beste bewys van liefde is wanneer iemand vir sy vriende sterf sodat sy vriende kan lewe.

Ons sien dit altyd in die flieks – een persoon spring voor hulle vriend in net soos wat die koeël hulle sou tref. Dit word selfs in die media voorgehou as die beste manier om jou liefde vir iemand te wys: om jouself op te offer vir hulle lewe.

In die teks is Jesus besig om vir Sy dissipels te leer dat hulle mekaar moet liefhê – net soos wat Hy vir hulle liefhet. Hulle het dit nog nie geweet nie, maar Jesus sou Sy lewe vir hulle en vir ons op die ou end opgee. Jesus se dood aan die kruis beteken dat ons in die vryheid van God kan lewe.

Is dit vir ons moontlik om ons vriende so baie lief te hê? Ek dink nie ons almal sal daardie vraag eerlik met ‘ja’ kan antwoord nie. Jesus bewys Sy liefde vir ons sonder om enigiets terug te verwag. Kom ons leer van Sy liefde en wys dit aan die mense om ons – so word ons net beter vriende met ander.

Jesus is die beste voorbeeld van vriendskap.

Gebed: Here, dankie dat U vir my so lief is dat U Jesus gestuur het om met my U liefde te deel. Help my asseblief om die liefde wat U eerste aan my bewys het ook aan ander te wys en so ook ʼn goeie vriend vir ander te wees… Amen.

Uitdaging: Lees oor die naweek die hele deeltjie waar Jesus met sy dissipels praat oor liefde – Johannes 15:12-17