What language do you prefer?

Close

Ontvang elke weeksdag jou padkos in die bed via WhatsApp.

Klik hier
| Terug

Goeie vriendskappe is beter as populariteit

Spreuke 18:24

Daar is party vriende wat net praat
maar wat niks help nie,
maar ’n vriend kan vir jou meer lief wees as ’n broer.

Hierdie week se padkos stukkies gaan oor vriendskap. Hoeveel vriende is daar in jou lewe wat jy regtig ‘n nabye vriend kan noem? Ons almal het verskillende vriendskappe, maar gaan net na jou sosiale media en jy kan verlore raak in ‘n see van gesigte wat jy nie regtig so goed ken nie.

Vandag se vers sê dat terwyl ons dalk baie vriende mag hê, is daar wel vriende daar buite wat nie die beste vir jou in gedagte het nie. Hulle sê dalk baie dat hulle hou van wie jy is, maar partykeer leef hulle dit nie uit in die manier wat hulle jou hanteer nie.

Terwyl daar baie vriendskappe is wat oppervlakkig is, is daar ook vriendskappe wat diep wortels het, die skrywer van hierdie sê-ding uit Spreuke vertel vir ons dat diep en betekenisvolle vriendskappe heelwat meer werd is as om populêr te wees en net oppervlakkige vriendskappe te bou.

Goeie vriendskappe is beter as populariteit.

Gebed: Here, dankie dat U vir my vriende in my lewe gee wat net so naby voel soos familie. Here help my asseblief om nie net honderde vriende te hê nie, maar ook vriendskappe wat goed is en gewortel is in U liefde. Dankie dat U ook vir my ʼn vriend noem… Amen.

Uitdaging: Maak die week ʼn punt daarvan om vir jou nabye vriende te wys wat hulle vir jou beteken – een van die maklikste maniere is om net goeie tyd saam met hulle te spandeer – en dit kos jou niks nie.