What language do you prefer?

Close

Ontvang elke weeksdag jou padkos in die bed via WhatsApp.

Klik hier
| Terug

God maak ons lewens mooi

Matteus 6:30

God maak al die plante in die veld mooi, maar hulle lewe nie lank nie. Hulle groei vandag, en môre gooi iemand die plante in die vuur. God sal julle baie mooier aantrek en Hy sal beter sorg vir julle as vir die plante, ook vir julle wat so min glo.

Het jy al ooit verby ‘n veld gery met ‘n klomp blommetjies of sonneblomme? Dit voel asof dit soveel vrede bring. Daar is iets omtrent blomme wat ons natuurlik nader trek: God het Sy tyd gevat om soveel kleur in ons wêreld in te sit.

As God soveel tyd neem om blomme te maak wat ons wêreld so mooi maak, imagine net gou hoe mooi hy vir ons ook geskep het. Jesus vertel vir mense dat God soveel meer vir hulle omgee as die blommetjies wat so mooi is.

Vir ons is dit so wonderlik want ons weet dat God vir ons omgee. En Hy sal aanhou om vir ons om te gee – al sien ons dalk nie raak hoe wonderlik Hy vir ons geskep het nie. Ons hoef nie bekommerd te wees oor hoe ons lyk of wat ons het nie, want God maak ons lewens mooi.

God maak ons lewens mooi.

Gebed: Here, ek weet dat ek soms sukkel om te glo dat U vir my mooier gemaak het as die blomme wat ek sien om my. Ek bid dat ek sal raaksien hoe U vir my sorg elke dag. Mag ek dit asseblief nie miskyk nie, want ek wil U mooiheid in my wêreld waardeer… Amen.

Uitdaging: Kyk of jy vandag ʼn blom kan opspoor, gaan soek vir die mooiste een wat jy kan vind. Jy is mooier en soveel meer waardevol vir God.