What language do you prefer?

Close

Ontvang elke weeksdag jou padkos in die bed via WhatsApp.

Klik hier
| Terug

God het vir my iets beter in gedagte

1 Korintiërs 10:13

“Geen versoeking wat meer is as wat ‘n mens kan weerstaan, het julle oorval nie. God is getrou. Hy sal nie toelaat dat julle bo julle kragte versoek word nie; as die versoeking kom, sal Hy ook die uitkoms gee, sodat julle dit kan weerstaan.”

 Soms is daar dinge in die lewe wat ons kan platgooi. Maak nie saak hoe baie ons probeer nie, die selfde ou klein slegte dinge kom altyd op wat ons maak val. Maar daar is goeie nuus, daar is altyd ‘n uitweg vir tye wat ons voel ons word versoek om die verkeerde ding te doen.

Is daar dalk enigiets in jou lewe wat konstant ‘n versoeking is, dalk is dit iets eenvoudig soos om onbeskof te wees met ‘n vriend wat jou begin irriteer het, of dalk wil jou vriende jou konstant oorreed om iets te doen wat jy weet op die ou end nie goed is nie?

Ons dink soms dalk dat ons nie die tipe dinge kan weerstaan nie, maar dit is duidelik dat in die krag van Jesus ons baie van die slegte dinge in die lewe wel kan weerstaan. Partykeer kan die uitweg selfs net wees om nee te sê…

Dit? Nee dankie, God het iets beter vir my in gedagte!

Gebed: Here God, jy weet dat daar ‘n paar dinge in my lewe is wat nie goed is vir my nie, help my om die slegte te kan weerstaan en eerste na U te kyk voor ek ander dinge najaag, sodat ek kan lewe in volheid.

Uitdaging: Moenie bang wees om te sê “Nee dankie, God het iets beter vir my in gedagte” nie.