What language do you prefer?

Close

Ontvang elke weeksdag jou padkos in die bed via WhatsApp.

Klik hier
| Terug

As God ingryp is dit duidelik

1 Samuel 17:37

Die Here wat my uit die kloue van die leeu en die beer gered het, sal my ook red van hierdie Filistyn!” Saul het uiteindelik ingestem. “Goed, doen dit,” sê hy. “En mag die Here met jou wees!”

Is daar ʼn tyd in die jaar sovêr wat jy God se wonderwerke om jou gesien het? Het God dalk ingegryp in jou lewe in so ʼn manier wat jy nie kon twyfel dat dit Hy was wat dit gedoen het nie? Dawid het so ʼn ervaring gehad.

As skaapwagter het Dawid baie kere wilde diere teëgekom wat hom in gevaar gestel het. Hy het ʼn beer en ʼn leeu teëgekom en God het vir hom die krag gegee om veilig van sy gevegte met hierdie diere uit te kom. Hy het geweet dat as God al reeds ingegryp het, God weer sal kan ingryp. Selfs teen Goliat.

As ons die maniere begin raaksien wat God ingryp in ons lewens gee dit ook vir ons hoop dat God weer sal ingryp. Het ons genoeg vertroue om te glo dat God ons kan gebruik om groter dinge te doen as dit wat ons reeds kon doen in Sy krag?

As God ingryp is dit onmoontlik om dit te mis!

Gebed: Dankie Here dat U ingryp in my lewe, dankie dat ek die vertroue kan hê dat U my en my lewe raaksien en die beste vir my wil hê.

Uitdaging: Neem ʼn langer tyd van gebed vandag en bid in dankbaarheid oor ʼn tyd wat God in jou lewe ingegryp het.