What language do you prefer?

Close

Ontvang elke weeksdag jou padkos in die bed via WhatsApp.

Klik hier
| Terug

Ander kan Jesus raaksien deur jou voorbeeld!

1 Petrus 2:11-12

11Geliefdes, omdat julle uitlanders en bywoners is, waarsku ek julle om nie aan julle natuurlike neigings toe te gee nie. Dit verwoes net ’n mens se lewe. 12Handhaaf ’n voorbeeldige leefstyl onder die nie-Christene, selfs al kla hulle julle aan van wangedrag. Hulle sal dan julle goeie gedrag sien en God die eer daarvoor gee wanneer Hy kom rekenskap vra.

Het jy al ooit agtergekom dat sekere mense se goeie gedrag ander mense kan kwaad maak? Dis baie weird reg? Hoekom sal enigiemand iemand anders wat goeie dinge doen vertel dat hulle verkeerd is? Maar dit het selfs met Jesus gebeur – baie mense het sy aksies gesien as iets wat hulle bedreig. Dit lyk dalk vir ons anderste – ons word dalk geterg omdat ons vriende maak met die ‘loser’ van die skool of ons word uitgehaal omdat ons hard werk in ons akademie.

Ek dink as ons Jesus beter ken en in ʼn manier lewe waar ons meer soos Jesus probeer wees, doen ons dinge wat ander mense se slegte maniere uitwys. En baie kere is dit ʼn bedreiging want hulle wil nie hê daar moet van hulle verwag word om ook ʼn voorbeeldige lewe te leef nie.

Die wêreld om ons mag ons dalk in die versoeking stel om net te doen wat ookal vir ons reg voel, maar dit is altyd soveel beter om meer soos Jesus te leef. Ons moet net vertrou dat die Heilige Gees ons sal help al word ons gespot vir die goeie dinge wat ons doen.

Ander kan Jesus raaksien deur jou voorbeeld!

Gebed: Here, U weet dat baie mense nie sien soos wat U sien nie. Help my om meer soos Jesus te wees al word ek aangekla daarvoor. Help asseblief dat ander mense vir Jesus kan leer ken deur die goeie dinge wat ek doen.

Uitdaging: Let bietjie op wie om jou negatief reageer as jy iets goed doen – dis ʼn geleentheid om Jesus met hulle te deel in die manier wat jy lewe.